Pris: GRATIS
: Kringsjå
Det er fint å kunne ønske Kristin Asbjørnsen velkomen tilbake til Balejazz. I løpet av dei ti siste åra har ho fått svært mykje internasjonal merksemd frå både kritikarar og publikum. Ho har eit personleg og unikt uttrykk, og har vunne mange nasjonale og internasjonale prisar.
Kristin Asbjørnsens stil har røter i «singer/songwriter»-tradisjonen, og let element frå afrikansk verdsmusikk, spiritual og jazz flyte inn i musikken. Ho har ei stemme med eit uvanleg breitt klangspekter som gjer det mogleg å framføre vokal musikk med særleg stor dynamikk, kontrast og kraft.
I fjor haust ga ho ut sitt siste soloalbum «I'll meet you in the morning». Til Balestrand kjem ho saman med kvartetten sin.